Sábado 20 Xullo 2024

Estes son os 26 espazos máis singulares de Galicia (e do mundo)

Un mapa interactivo recolle máis de 25.800 puntos arredor do planeta que destacan polas súas rarezas arquitectónicas ou naturais

O banco de Loiba, o complexo arqueolóxico romano de Aquis Querquennis e o santuario de Santa Minia están entre os enclaves máis singulares do mundo. Pero non son os únicos de Galicia: hai outros 23 espazos que salientan por ser unha rareza arquitéctonica, polo seu valor histórico ou, simplemente, por ser unha marabilla da natureza. Así o define a páxina Atlas Obscura, que xestiona un mapa interactivo con máis de 25.800 lugares singulares arredor do mundo. Entre eles, 26 enclaves galegos cóanse nunha longa nómina de espazos insólitos rexistrados ao longo de todo o planeta.

Consultalos todos é ben sinxelo. Tan só hai que ingresar na páxina web de Atlas Obscura e mover o cursor polo seu mapa interactivo. Como se pode comprobar, está cheo de marcadores e cada un deles corresponde a un lugar singular. Os encargados de fixar estes espazos son os colaboradores deste mapa, é dicir, toda unha comunidade de viaxeiros e exploradores que engade estas “increíbles marabillas” conforme vai descubrindo mundo. De feito, os membros de Atlas Obscura animan a seguir agregando lugares, que se pode facer doadamente rexistrándose na páxina.

Publicidade

No que respecta a Galicia, os turistas e viaxeiros que pasearon polo noso territorio consideraron que hai, polo menos, 26 espazos que merecen unha atención especial. Algúns son sobradamente coñecidos, como a Torre de Hércules, o castro de Baroña e a muralla de Lugo. Outros poñen o foco nas marabillas naturais, como as Fragas do Eume, a illa de San Simón e a praia das Catedrais. E tamén os hai que enxalzan rarezas arquitectónicas como a igrexa de San Caralampio no Grove, a Trufa de Dumbría e o mosteiro de San Pedro de Rocas, en Esgos (Ourense).

A continuación, podes consultar toda a lista de espazos singulares recollidos no Atlas Obscura. Está clasificada por provincias e cada pé de foto correspóndese coa descrición que se pode consultar na páxina:

Publicidade

A Coruña

  • O banco de Loiba, no mirador do Coitelo. Este banco está considerado como o máis bonito do mundo.
  • Fragas do Eume. Foto: turismo.gal
  • A Torre de Hércules na loma de Punta Eiras
  • O botafumeiro, pendurado na catedral de Santiago. Foto: Juantiagues / Wikicommons.
  • Castro de Baroña, Porto do Son. Ruínas dun asentamento que data do século I a.C.
  • Batería de Cabo Prior. Foto: Iago Casabiell González
  • Menhires pola paz. Esculturas xigantes de granito que representan unha familia. Foto: Diego Celso
  • Elevador do monte de San Pedro. Este ascensor panorámico ofrece un paseo futurista pola montaña de San Pedro. Foto: Diego Celso / Atlas Obscura
  • Parque do Pasatempo, Betanzos. Restos dun xardín de esculturas enciclopédico utilizado posteriormente como campo de internamento.
  • Santuario de Santa Minia, Brión. Foto: Atlas Obscura
  • Banco dos desexos, Santiago. Grazas a unha anomalía acústica, este sinxelo banco de pedra escoitou 100 anos de segredos. Foto: Turismo Santiago
  • Sombra do peregrino, Santiago. Un xogo de luz accidental proxecta a sombra perfecta dun peregrino do Camiño de Santiago contra o muro da catedral. Foto: Atlas Obscura / Xavixavir
  • Museo do Alemán, Camelle. Foto: Atlas Obscura
  • A Trufa, Dumbría. Esta casa experimental creouse con formigón. Foto: Atlas Obscura

Lugo

  • Muralla romana de Lugo. Fortificacións de pedra romanas notablemente intactas rodearon a cidade de Lugo durante séculos.
  • Portomarín Vello. Esta parada do Camiño de Santiago álzase sobre as ruínas submariñas dunha vila medieval. Foto: Wikimedia Commons
  • Praia das Catedrais. Os arcos de pedra natural forman unha "catedral" transitable durante a marea baixa e despois desaparecen por completo cando regresa a auga. Foto: Wikimedia Commons

Ourense

  • Casa da Inquisición, Ribadavia. O edificio agóchase a plena vista no histórico barrio xudeu. Foto: Atlas Obscura / Kianseara
  • Ciudad de los Muchachos, Bemposta. Ruínas da segunda escola circense máis grande do mundo. Foto: Atlas Obscura / Alcaparra26
  • Mosteiro de San Pedro de Rocas, Esgos. Un mosteiro abandonado do século VI presenta un mapa medieval do mundo coñecido. Foto: Wikimedia Commons
  • Casa das Pedriñas, A Veiga. Esta casa cuberta de pequenas pedras foi obra dun só home durante case 30 anos. Foto: Atlas Obscura / Alcaparra26
  • Campamento de Aquis Querquennis, campamento romano en Bande, na beira do Miño.

Pontevedra

  • Muíños do Folón e do Picón, O Rosal. "Satisfactorio" é unha boa maneira de describir estas filas de muíños belamente aliñadas. Foto: Atlas Obscura / Pvfizor
  • A batería militar J4 de Cabo Silleiro, Baiona. Foto: Atlas Obscura
  • Illa de San Simón. Esta pequena e exuberante illa ten unha longa e sanguenta historia. Foto: Wikimedia Commons
  • Capela de San Caralampio, O Grove. Igrexa do século XII cuberta completamente de cunchas. Foto: Turismo.gal

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A lúa chea de Cervo iluminará os ceos de xullo este domingo

Aínda que o plenilunio producirase na mañá do 21 de xullo, o fenómeno da superlúa poderase contemplar nas noites previas e posteriores

“A circulación do virus de Crimea-Congo en Galicia existe, pero polo de agora é moi baixa”

Investigadores da USC admiten que o salto do patóxeno a persoas é “cada vez máis posible” no territorio galego, pero chaman á calma

Cambio climático: o pasado conta

https://theconversation.com/javascripts/lib/content_tracker_hook.js O cambio climático actual é antropoxénico (de orixe humana). O consenso...

Un estudo galego investiga as algas mariñas como alternativa aos antibióticos en coellos

A investigación de Sabela Al-Soufi Novo no Campus Terra da USC avalía con resultados prometedores o uso destes organismos na mellora da saúde intestinal dos mamíferos