Dúas investigadoras de Telecomunicacións dirixen en Abu Dhabi un taller sobre redes sen fíos
WiMob, un dos congresos de referencia no campo das comunicacións móbiles a nivel internacional, terá, por segundo ano consecutivo, representación da Universidade de Vigo e, máis concretamente, do Centro de Investigación AtlantIC que, a través do Grupo de Tecnoloxías da Información, é o encargado de organizar o II Workshop on Cooperativa Wireles Networks, CWN2015, un taller internacional que se celebra ao abeiro deste congreso e que, dirixido a profesionais dos cinco continentes, servirá de escaparate para amosar as últimas ideas e contribucións no ámbito das redes sen fíos cooperativas, unha das claves para o progreso do denominado ‘internet do futuro’.
Se o ano pasado a a cita foi en Chipre, nesta ocasión o encontro celebrarase na cidade de Abu Dhabi, capital dos Emiratos Árabes Unidos, do 19 ao 21 de outubro e da súa organización estanse a encargar as profesoras da Escola de Enxeñaría de Telecomunicación Cristina López Bravo e Beatriz Lorenzo Veiga, xunto aos profesores da Universidad Politécnica de Cartagena, Antonio Javier e Felipe García Sánchez.
Máis información no seguinte enlace: