Venres 29 Marzo 2024

Día Europeo dos Minerais na Escola de Enxeñaría de Minas de Vigo

A Escola de Enxeñaría de Minas da UVigo súmase este ano á celebración do Día Europeo dos Minerais coa organización dun taller co que darlle a oportunidade á sociedade de Vigo e a súa contorna de aprender a identificar de xeito rápido e sinxelo os minerais máis comúns da natureza a partir das súas propiedades físicas. Será o vindeiro venres 22 e sábado 23 de setembro, coincidindo coa realización de múltiples eventos salpicados por toda Europa (portas abertas, visitas guiadas a minas e espazos rehabilitados, demostracións de seguridade…) e con el iniciarase unha nova oferta de talleres a través dos que se vertebrarán diferentes actividades de divulgación científica dirixidos sobre todo a atraer a atención do alumnado de ensino medio.

Haberá obradoiros gratuitos para dar a coñecer a ciencia dos minerais

“A idea deste primeiro taller é chegar ao público menos familiarizado co tema e fomentar nel o interese polos contidos propios da xeoloxía e o conxunto das Ciencias da Terra, xa que lamentablemente cada vez hai menos contidos nos plans de estudo actuais tanto da Ensinanza Secundaria Obrigatoria como de Bacharelato”, explica a directora da escola, Natalia Caparrini, especialmente satisfeita polo feito de que este curso a escola terá a oportunidade de estrear un museo-exposición de minerais aberto ao público no que, entre outras pezas, poderán contemplarse a colección de minerais e pedras preciosas cedida ao centro polos herdeiros do doutor Manuel de Sas de la Encina, un dos fundadores do hospital vigués de Povisa, ata onde agora estaba exposta a exposición. “A nosa intención é facer múltiples actividades divulgativas asociadas a esta colección, a primeira é este taller, pero tentaremos tamén organizar un concurso de bateo de ouro, visitas a minas, conferencias e feiras en torno ao mundo dos minerais”, recalcou a directora.

O taller, no que é necesario inscrición previa, inclúe unha parte teórica e unha práctica e o obxectivo é que todas as persoas que asistan aprendan, ademais dunha idea xeral sobre a clasificación e as diferentes propiedades físicas dos minerais, a recoñecer os máis comúns. “Trátase de que aprendan a identificalos a partir da simple inspección visual de mostras de man ou por medio de probas moi sinxelas”, recalca a directora da escola, ao tempo que aclara que as propiedades físicas máis útiles para a identificación mineral son cor, brillo, transparencia, hábito, dureza, raia, exfoliación e fractura.

“A composición de minerais está baseada na súa composición química e na súa estrutura interna e para identificalos acostuman empregarse técnicas de difracción de raios-X, análises químicas ou de microscopía óptica, non obstante existen unha serie de propiedades físicas que nos poden axudar a realizar identificación minerais moi fiables”, recalcou Caparrini.
As persoas interesadas en participar neste taller deben enviar un correo electrónico a eme@uvigo.es ou chamar ao teléfono 986 812 205.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O CIM impulsa a súa presenza na investigación mariña europea

O centro vigués busca converterse nun referente establecendo colaboracións con persoal investigador e institucións internacionais

A UVigo reivindica no Día Mundial da Auga a importancia do seu acceso universal

A universidade impulsa a concienciación través dunha serie de pódcast con nenos e nenas e dun concurso escolar de microrrelatos

Por que a clonación é tan rara na natureza

A partenoxénese é un tipo de reprodución asexual que empregan as femias dalgunhas especies para realizar copias de si mesmas

Aumenta a matriculación feminina en Enxeñaría Informática na UDC e na UVigo

Na universidade coruñesa as rapazas xa representan un 18% das incorporacións, mentres que na viguesa acadan o 19%