Curso de pilotaxe de drones no campus de Ourense

A Escola de Enxeñaría Aeronáutica e do Espazo do campus de Ourense acolle do 7 ao 14 de xuño o curso de formación Introducción aos sistemas aéreos non tripulados. O principal obxectivo é achegar esta tecnoloxía ao alumnado de titulacións técnicas que queira ter un primeiro contacto con ela.

A actividade terá un carácter moi práctico e incidirá en aspectos como os diferentes subsistemas que compoñen un dron e cuestións relativas á lexislación actual neste eido, entre outros temas, segundo explican os seus responsables.

Publicidade

O curso, de 30 horas de duración, será impartido por Higinio González Jorge, profesor da Área de Xeodesia e Teledetección da Universidade de Vigo e piloto certificado de drones dende o ano 2014. A Escola explica que o docente conta con experiencia tanto a nivel de desenvolvemento como operación con diversos sistemas aéreos non tripulados, tanto de ala fixa como rotatoria, así como no relativo a subsistemas de navegación e sensores de imaxe embarcados, tanto activos como pasivos.

Durante os módulos teóricos do curso, os asistentes introduciranse nesta tecnoloxía e en aspectos dela como a enerxía e propulsión; a dinámica e o control; os subsistemas de UAS e as súas aplicación comerciais, que abranguen desde o mundo audiovisual ao loxístico. Polo que respecta aos módulos prácticos, achegaranse a temas como a planificación do voo fotogramétrico e procesado de datos; ao funcionamento de motor ‘brushless’; á simulación dinámica de quadrotor; ao sistema de control dun ximbal para cámaras e ás especificacións técnicas de drones, vendo casos prácticos de monitorización de cultivos agrícolas e aplicación de fitosanitarios en agricultura. O alumnado tamén realizará unha visita ao Centro de Investigación Aeroportada no Aeródromo de Rozas, en Lugo.

Publicidade

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Tecnoloxía e psiquiatría únense para crear un banco de datos para investigar a saúde mental na adolescencia

Un equipo de atlanTTic, xunto con profesionais sanitarios, desenvolve VisIA-Q, un conxunto de información clínica e psicométrica de 207 adolescentes

Os sedimentos dos solos dos Penedos da Raíña Loba revelan catro séculos de ocupación medieval

Un estudo da UVigo emprega a xeoarqueoloxía no enclave ourensán e achega novas pistas sobre a posible localización do castelo de Aguiar da Moa

Científicos galegos e arxentinos desvelan o potencial do cacho de gambón para protexer a retina

Un estudo desenvolve nanopartículas antioxidantes derivadas de residuos pesqueiros con resultados prometedores en probas in vitro

Novembro para descubrir, rir e namorar da ciencia en galego

A UVigo conmemora o Día da Ciencia en Galego cun programa de actividades que durará todo o mes