Educación acolle o curso Filosofía para nenos e nenas: aprendendo a pensar
A Facultade de Ciencias da Educación da Universidade da Coruña acolle desde hoxe xoves ata o sábado 28 de xuño un curso de verán titulado Filosofía para nenas e nenos: aprendendo a pensar, e dirixido polo profesor Javier F. Rouco. O obxectivo é afondar nas posibilidades que pode aportar para o alumnado de diferentes idades, desde Educación Infantil ata Secundaria, o traballo coas habilidades de pensamento empregando como método o diálogo filosófico e como materiais de apoio tanto filosófico como contos e arte. Ao curso asistirán noventa persoas, tanto estudantado dos Graos de Educación Infantil e Primaria como mestras e mestres en exercicio.
Curso de filosofía para nenos na Universidade da Coruña
