Ángela Ruiz Robles, mestra e escritora, inventou unha enciclopedia mecánica considerada un antecedente do que logo chegaría a ser o libro electrónico. Alumni USC recupera a súa figura a través da súa neta Mª Luisa Souto Grandal, socia desta Asociación de Antigos Alumnos e Amigos da USC, quen impartirá a vindeira semana unha charla sobre o legado da súa avoa. A intervención está prevista para o mércores 4 de abril ás 19.00 horas no Salón de Actos da Facultade de Filosofía (praza de Mazarelos).
Con esta intervencións, que dará conta da vida e obra dunha muller considerada pioneira en múltiples aspectos, Alumni quere contribuír a dar unha maior visibilidade a aquelas mulleres que desenvolveron traballos importantes nos ámbitos da cultura, a investigación e outras esferas con repercusión social.
Tamén podes ler:
historias-gc/dona-angelita-ferrola-que-inventou-o-libro-electronico/
