Venres 29 Marzo 2024

O catedrático da USC Santiago Fernández Mosquera, presidente da Asociación Internacional Siglo de Oro

O catedrático de Literatura Española da USC Santiago Fernández Mosquera é o novos presidente da Asociación Internacional Siglo de Oro (AISO) logo da súa elección no transcurso do XI Congreso celebrado na Universidade Complutense. O docente da USC substitúe no cargo ao profesor de Chicago Frederick de Armas.

A Asociación Siglo de Oro comeza a dar os seus primeiros pasos en 1984 ao constataren un grupo de profesores de universidades españolas e francesas a necesidade de fomentar a relación entre investigadores que se ocupaban do estudo da cultura e da literatura do Século de Ouro. Aurora Egido, catedrática da Universidade de Zaragoza e agora membro da RAE, asumiu a presidencia dunha directiva provisional que rematou coa xestión do primeiro congreso celebrado no ano 1987.

Publicidade

Entre os principais obxectivos desta asociación figuran facilitar e difundir a información científica entre quen se dedica ao estudo da literatura, lingua e cultura española e hispánica daquela época, dar a coñecer os traballos dos investigadores e contribuír ao desenvolvemento das investigacións nese eido. Unha das súas tarefas principais é a realización dun congreso internacional, de carácter trianual, que nesta ocasión se celebrou na Universidade Complutense de Madrid e que tivo en Santiago de Compostela a súa oitava edición en 2008.

Este ano cumpriu o seu 30 aniversario cun acto na Real Academia Española, presidido polo seu director, Darío Villanueva quen salientou a forza e presenza destes estudos na actualidade e a grande importancia da Asociación nestes últimos trinta anos.

Santiago Fernández
Santiago Fernández Mosquera é especialista na obra de Francisco de Quevedo e Calderón de la Barca, ademais de desenvolver os cargos de director do Departamento de Lingua e Literatura Española, Teoría da Literatura e Lingüística Xeral; director da Cátedra Inditex de Lingua e cultura españolas na Universidade de Daca (Bangladés); e coordinador do Grupo de investigación Calderón da USC.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Galicia avanza para contar cos seus propios medicamentos CAR-T nos próximos anos

A finais de ano abrirá un centro de produción en Santiago e un proxecto de investigación traballa para aplicalos en tumores sólidos

Así era Castro Valente: a fotografía láser recrea a muralla da gran fortaleza medieval galega

Un estudo da USC usa as novas tecnoloxías para ampliar información sobre o xacemento de 10 hectáreas situado entre Padrón e A Estrada

O meteorito que brillou como cincuenta lúas cheas xa pode visitarse en Santiago

Tratouse dun asteroide de 1,15 metros de tamaño e 2,62 toneladas de masa que chocou contra a atmosfera a 15 Km/s

Unha tese galega demostra a viabilidade de reutilizar restos vinícolas e pesqueiros no país

Antonio Cortés avaliou a sustentabilidade das estratexias de valorización de residuos orgánicos, alén de estudar a ecoeficiencia dos procesos