As Regueifiñas estréanse cun debate sobre as redes sociais

A versión escolar dos encontros científicos, dirixida a estudantes de ensino medio, celebrarase este venres en Santiago

Son as redes sociais un avance para a nosa sociedade? Sobre esta cuestión, que tanto dá que falar na actualidade, xirará a primeira edición das Regueifiñas, a versión escolar das Regueifas de Ciencia que se veñen celebrando desde hai tres anos en Santiago de Compostela. A cita será este venres 22 na Facultade de Comunicación da USC ás 18.30 horas.

O acto do venres será a culmunación dun proceso que comezou hai varios meses, e na que tomaron parte decenas de estudantes de toda Galicia. Despois do proceso de selección, a partir dos vídeos enviados polos participantes, catro rapazas debaterán en Santiago na final do certame.

Tomarán parte, por un lado, María Manuela Gómez e Andrea Iglesias, alumnas de 1º de Bacharelato do IES Rosalía de Castro de Santiago; e por outra banda, Beatriz Rodríguez e Antón del Río, do colexio Compañía de María de Ferrol.

Os finalistas recibirán, por chegaren á final, unha suscrición para os seus centros da revista Investigación y Ciencia e unha camiseta oficial de Regueifas de Ciencia. E ademais, o equipo gañador levará camisetas para todos os compañeiros e compañeiras de clase.

As Regueifiñas, como as Regueifas de Ciencia, son unha iniciativa da USC patrocinada pola Fundación Española de Ciencia e Tecnoloxía (Fecyt).

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.