Sábado 2 Marzo 2024

Un artigo da Universidade da Coruña, na portada de “Chemical Society Reviews”

O grupo Quimolmat analiza nunha revisión os avances máis recentes no campo dos receptores artificiais intelixentes

Unha revisión asinada por científicos do grupo de Química Molecular e de Materiais (Quimolmat) da Universidade da Coruña ocupa a portada do número 12 da revista Chemical Society Reviewsunha das de maior impacto mundial no referente ás revisións de investigacións de actualidade na química, cun factor no JCR de 2019 de 42,486.

O traballo, asinado por Arturo Blanco, Pablo Cortón, Liliana Barravecchia, Iago Neira, Elena Pazos, Carlos Peinador e Marcos García, analiza as últimas novidades sobre receptores moleculares intelixentes. Estes deseños, segundo explican desde o Centro de Investigacións Científicas Avanzadas (CICA) da UDC, son esenciais para os seres vivos, xa que “recoñecen e interactúan con moléculas pequenas (ou substratos), regulando os procesos biolóxicos ou mediando a transducción de sinais” explican os autores do traballo. A chamada Química Supramolecular encárgase do “deseño de receptores artificiais adaptados a unha función específica e con capacidade de responder a estímulos do entorno, transformando a resposta nun evento supramolecular como é a unión ou a liberación do substrato”, engaden.

Publicidade

Conseguir receptores sensibles á luz, cambios de pH ou de potencial redox é un dos obxectivos máis novos neste campo, pois permite interesantes “aplicacións como a liberación controlada de fármacos, o secuestro de contaminantes ou o desenvolvemento de novos materiais capaces de auto-repararse”, revélannos os investigadores.

Esta revisión recolle os avances máis recentes no desenvolvemento destes receptores artificiais intelixentes, incluíndo os deseñados polos propios autores, quen traballan cunha nova clase de receptores dinámicos sensibles ao pH.

A imaxe de portada ilustra un mando onde se le “Interruptor Supramolecular” e uns botóns reguladores dos estímulos externos. Este mando controla a remoto un complexo “Hóspede-Hospedador”, representando o control que confire a Química Supramolecular sobre o ensamblaxe do substrato a receptores artificiais.

O grupo Quimolmat mantén activas relevantes colaboracións internacionais, entre as que se atopan traballos co equipo dun dos premios Nobel de Química de 2016, Fraser Stoddart.


Referencia: Controlled binding of organic guests by stimuli-responsive macrocycles (Publicado en Chemical Society Reviews).

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Os lévedos axudan a combater o cancro? Así o investiga un equipo galego

Científicos da UDC revisan o papel que xogan os lévedos nos descubrimentos biolóxicos, o seu uso como ferramenta biolóxica e a súa longa vida nos laboratorios

“Cambios climáticos hóuboos sempre pero nunca tan rápidos como o de agora”

Un investigador do GRICA da UDC participa nun estudo sobre o cambio climático publicado na prestixiosa Nature Geoscience

O cambio no manexo tradicional dos cabalos salvaxes ameaza a biodiversidade do monte galego

Un traballo de investigadores galegos publicado en ‘Biodiversity and Conservation’ conclúe que as bestas son "indispensables" para a diversidade biolóxica dos montes

Un científico galego participa no achado dun fenómeno químico xamais observado

O investigador Jesús Mosquera da UDC vén de publicar os resultados na revista 'Science', en colaboración cun equipo internacional