Venres 29 Marzo 2024

A USC rende tributo ao historiador John Williams cun seminario internacional

A Universidade de Santiago de Compostela homenaxeará ao historiador John Williams o vindeiro luns día 6, coincidindo co cabodano da súa morte, coa celebración dun seminario internacional. É unha iniciativa que promove o grupo de innovación docente en Ciencias do Patrimonio Artístico e Escrito e seminario de formación Incipit, que integran docentes das facultades de Filoloxía e de Xeografía e Historia. A sesión matinal, a partir das 9.30 horas, celebrarase no Paraninfo da Universidade na Facultade de Xeografía e Historia e continuará pola tarde na Aula 10 do mesmo centro.

Co lema ‘Factum est silentium?’ o acordo lembra ao que está considerado como un dos grandes especialistas en manuscritos medievais e hispanistas de recoñecemento universal polas súas achegas á historia da arte española. As publicacións científicas que máis teñen contribuído á súa consideración como hispanista de renome céntranse nos manuscritos iluminados do Comentarios ao Apocalipsis de Beato de Liébana. Ademais de numerosos facsímiles e artigos sobre os Beatos, a serie de cinco volumes publicados por Harvey Miller/Brepols The Illustrated Apocalypse: A Corpus of the Illustrations of the Commentary on the Apocalypse (1994-2003)conforman, en opinión dos expertos, un legado permanente para futuras xeracións de historiadores/as da arte.

Publicidade

John Williams (1928-2015) era profesor da Universidade de Pittsburgh e visitou a USC en diversas ocasións e ata o seu falecemento foi membro do comité científico da revista Quintana. Con esta xornada homenaxe, na que se darán cita profesorado,  persoal investigador e outros profesionais amigos de John Williams, o grupo Incipit pretende manter viva a súa memoria e dar a coñecer a súa figura e o seu legado entre alumnado e doutorandos/as interesados nas súa liñas de investigación.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

As plantas non nativas aceleran a desaparición dos ameneiros galegos

As árbores centroeuropeas que se importan para restaurar as plantacións afectadas por unha doenza fúnxica producen uniformidade xenética

Un novo método da USC axudará a combater o furtivismo marisqueiro en Galicia

Tres investigadores estiman que entre 2012 e 2020 máis de 1.700 persoas extraeron de forma ilegal 660 toneladas de marisco

Investigadoras galegas constatan que as mulleres autistas camuflan máis os seus síntomas

O enmascaramento provoca retrasos no diagnóstico e problemas de saúde mental derivados da presión social

Un equipo galego sinala os lípidos en sangue como biomarcadores de covid persistente

Investigadores do CiQUS ofrece unha nova perspectiva sobre a natureza desta enfermidade e abre a porta a diagnósticos e tratamentos máis específicos