Búscanse 300 pilotos para investigar os factores psicolóxicos nos deportes de motor

En deportes como o motociclismo, nos que as decisións que poden levarche á vitoria tómanse en décimas de segundo, factores como a motivación ou a confianza nun mesmo convértense en determinantes “para sacarlle o máximo rendemento á moto”, como recoñece a alumna de doutoramento Anna Viñolas. Afondar na importancia dos factores psicolóxicos nos deportes de motor e deseñar un cuestionario específico que permita a súa avaliación por parte dos e das profesionais da psicoloxía deportiva son os obxectivos do estudo que esta investigadora está desenvolvendo para a súa tese de doutoramento, que dirixe o profesor da Facultade de Ciencias da Educación e do Deporte Joaquín Dosil, e para a que precisa realizar unha enquisa a máis de 300 pilotos en activo.

Dirixida a deportistas tanto amateurs como profesionais, que participen en calquera tipo de competicións, “desde torneos provinciais a competicións internacionais”, nas diferentes modalidades do motociclismo e o automobilismo, a enquisa que Viñolas trata de impulsar a través da rede ten como obxectivo reunir “unha mostra o suficientemente representativa” para poder coñecer coa “fiabilidade necesaria” os criterios que marcarán a elaboración do cuestionario que constituirá a última fase do seu proxecto. Neste senso, esta estudante de doutoramento destaca que o obxectivo final da súa tese é crear un cuestionario específico que permita a avaliación psicolóxica dos e das deportistas que practican estas modalidades por parte dos profesionais do eido. “A pesares de que España é punteira en deportes como o motociclismo, aínda falta ese nivel de especialización para poder exercer mellor o noso traballo”, sinala esta psicóloga deportiva, que explica que ata o de agora “teñen que adaptarse outros cuestionarios xenéricos a esta modalidade, e todos sabemos nada ten que ver xogar ao fútbol ou ao tenis con ser piloto”.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.