Bioloxía acollerá ata o próximo venres 25 un curso avanzado sobre xestión da seguridade de moluscos bivalvos no que participan profesionais da industria dos produtos do mar, administracións públicas, responsables de inspección de produtos marítimos e xestores da calidade e seguridade alimentaria procedentes de dezaseis países como Marrocos, Alxeria, Mauritania, Madagascar, Sri Lanka, Albania ou Turquía, entre outros. Este curso está organizado conxuntamente polo Centro Internacional de Altos Estudos Agronómicos Mediterráneos (CIHEAM), a Organización das Nacións Unidas para a Agricultura e Alimentación (FAO) e a USC a través do grupo de investigación de patoloxía en acuicultura.
Máis información no seguinte enlace:
A FAO reúne en Santiago a profesionais de 16 países sobre seguridade en moluscos bivalvos
