A Cátedra do Pan organiza en Lugo un panel profesional de cata de pan

A Cátedra do Pan e do Cereal da USC desenvolverá o vindeiro xoves 26 de xaneiro o primeiro panel profesional de catadores de pan no Campus Terra da USC. Esta xornada, que estará guiada pola catedrática da área de Tecnoloxía de Alimentos da USC e directora da primeira cátedra universitaria ligada ao Campus Terra, Ángeles Romero, e por Belén García Gómez, contará coa presenza de Manuel da Cunha, de Panadería Da Cunha, ademais das 12 persoas previamente seleccionadas e formadas para este proceso de cata.

A sesión de cata comezará ás 12.00 horas e desenvolverase na sala de catas da Facultade de Veterinaria de Lugo. Manuel Da Cunha, quen achegará ao panel de catadores as distintas variedades de pan para a súa análise sensorial, abrirá a sesión cunha breve indicación relativa ás características dos produtos e que logo serán contrastadas cos resultados emitidos polos integrantes do panel de catadores.

Publicidade

O obxectivo deste primeiro panel profesional de catadores de pan pasa por elaborar unha ficha de cata o máis versátil posible, segundo indicou Ángeles Romero. A directora da Cátedra do Pan e do Cereal da USC sinalou, sen embargo, que esta primeira sesión podería completarse, de ser o caso, con novas xornadas de análises sensoriais ou con paneis de cata doutros produtos derivados do pan.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Estes son os sitios de Galicia onde haberá treboadas este mércores

A DINA prognosticada pola Axencia Estatal de Metereoloxía afectará principalmente o interior da provincia de Lugo con fortes treboadas

A USC demostra que se poden liberar fármacos en polímeros usando luz

A investigación abre a porta a controlar de maneira gradual a cantidade de substancia liberada, o que sería clave para a entrega de medicamentos

Case o 20% da poboación galega consome alcol a diario

Un estudo publicado por investigadores da USC determina as tendencias de consumo e os factores sociais e culturais que provocan o alcolismo

A gonorrea aumentou un 350% en Galicia en seis anos: “Pode estar infradiagnosticada”

A xinecóloga Efigenia Arias alerta do "aumento escandaloso" de infeccións de transmisión sexual e atribúeo á perda do medo fronte á sida