Venres 29 Marzo 2024

O verán comeza ás 6.24 horas deste mércores

O verán comezará no hemisferio Norte ás 6.24 horas deste mércores 21 e prolongarase ata as 22.02 horas do vindeiro 22 de setembro, segundo o Observatorio Astronómico Ramón María Aller da USC que dirixe José Ángel Docobo.

O fenómeno astronómico máis relevante do próximo verán, a parte da choiva de estrelas Perseidas na noite do 12 ao 13 de agosto, será a eclipse parcial de Sol, aínda que de moi baixa magnitude. Este fenómeno poderá verse na península Ibérica xusto no solpor do 21 de agosto e durante un período de media hora aproximadamente. A eclipse será en cambio total nunha franxa de pouco máis de 100 quilómetros  de ancho que discorrerá polo océano Pacífico, Norteamérica e o océano Atlántico.

Publicidade

O verán é a mellor estación para observar a nosa galaxia: a Vía Láctea

Así mesmo, o día 7 de agosto producirase unha eclipse parcial de Lúa, pero cando esta saia en Galicia xa estará na fase penumbral, que pode pasar desapercibida, porque a Lúa verase chea aínda que con luz mais tenue. Polo que atinxe á observación dos planetas, Saturno vai estar presente no ceo nocturno ao longo de todo o verán, ao igual que Xúpiter, pero este último irase poñendo máis cedo a partir de xullo. Venus será o luceiro do alba, e Mercurio a finais de xullo estará en moi boas condicións de poder ser observado a simple vista cara ao oeste loguiño do solpor. Finalmente, Marte pasará de ser visible na noitiña ao amencer.

O verán é especialmente recomendable para localizar constelacións e mesmo para contemplar a Vía Láctea dende lugares con pouca contaminación lumínica. O emblema do ceo desta estación é o triángulo formado polas brillantes estrelas Vega (constelación da Lira), Deneb (no Cisne), e Altair (na Aguia).

Nota meteorolóxica
Logo dun verán e outono de 2016 secos, o inverno de 2017 non foi moi chuvioso (excepto febreiro, con 278 litros/m2). A primavera, resultou así mesmo seca na contorna de Compostela. Os 230 l/m2 recollidos en maio non chegaron a compensar os cativos 30 l/m2 de abril nin os 7 l/m2 de xuño, polo que o período correspondente aos doce últimos meses (1.225 litros/m2) é un dos mais secos das últimas décadas, só comparable a aquel de xuño 2011- xuño 2012, cando se recolleran 1.243 litros/m2. Daquela, o primeiro semestre do ano 2012 aínda fora mais seco que o presente a pesares das choivas de xuño, segundo lembra o director do Observatorio Astronómico Ramón María Aller da USC.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:05:02

Poñer a roupa ao clareo do Sol, funciona?

É unha técnica tradicional para branquear a roupa que seguimos empregando hoxe. A ciencia confirma a eficacia dos raios solares como o mellor desinfectante natural

Os osos polares, en risco de morrer de fame polo desxeo do Ártico

Un estudo demostra que as estratexias alimenticias destes animais para sobrevivir nunha contorna de terra non evitan que perdan peso

Récord histórico de calor en 43 municipios galegos

O 25% de todas as estacións meteorolóxicas de Galicia superaron os rexistros anteriores de temperaturas máximas

O outono comeza este sábado ás 8.50 horas

Na nova estación agárdase unha eclipse parcial de Lúa e choivas de estrelas como a das Xemínidas, unha das máis importantes do ano