Crean un ‘antiácido’ para evitar os eructos de metano das vacas

A gandería é responsable do 18% das emisións de gases de efecto invernadoiro no mundo, segundo un estudo publicado na revista PNAS. Os ruminantes como vacas, ovellas e cabras xeran un 35% do metano, un gas que contribúe significativamente ao cambio climático.

Un grupo de investigadores do CSIC comprobou como o 3- nitrooxypropanol, unha molécula de recente creación, reduce as emisións de metano das vacas, ovellas e cabras. O composto, xa patentado, actúa sobre o sistema dixestivo dos ruminantes coma se fose un anti acedo, inhibindo a liberación deste potente gas de efecto invernadoiro e sen prexudicar ao animal.

Publicidade

Os ruminantes dixiren os alimentos mediante a fermentación que realizan os microorganismos presentes no rumen, unha das catro cavidades do seu estómago. Neste proceso prodúcense ácidos orgánicos que son absorbidos e metabolizados polo organismo como fonte de enerxía; e metano, que se escapa á atmosfera en forma de gas.

O 98% do metano emitido polas vacas é por medio de eructos, non polas flatulencias

Ao redor das vacas e demais animais da gandería moderna teceuse unha rede de incorreccións, medias verdades e falsidades que as converteron nas grandes culpables do cambio climático.

É certo que liberan á atmosfera uns 100 millóns de toneladas de CH4 cada ano e que son responsable do 36% do metano emitido en España anualmente. Mais, con todo, os animais non ten a culpa de que haxa case 1.500 millóns de cabezas de gando bovino, tanto para carne como para leite, e preto de 1.900 millóns entre cabras e ovellas. Se alguén é culpable, somos os humanos. O das flatulencias é outro mito que custa desmontar. A pesar desta crenza popular, o certo é que entre o 95% e o 98% do metano emitido polos ruminantes é por diante e non por detrás, é dicir, polos eructos.

Vaca_oveja_metano_imagelarge

En 2014, demostrouse a efectividade do composto 3-nitrooxypropanol en ovellas, pero descoñecían o seu funcionamento no corpo dos animais. Por iso, os científicos realizaron investigacións primeiro en modelos de ordenador e despois en cultivos in vitro mediante incubacións de microorganismos anaerobios do aparato dixestivo dos ruminantes.

Comprobaron que a produción de metano podía reducirse nun 30%. “É posible inhibir a formación de metano ao 100%“, aclara o microbiólogo do Instituto Max Planck de Microbiología Terrestre, Rolf Thauer, e coautor do estudo. “Pero non é desexable porque a metanoxénese é importante para a fermentación no rumen, primeiro e máis importante dos tres pre estómagos deste tipo de animais”, engade.

A molécula non presenta ningún efecto adverso que prexudique ao resto do ecosistema microbiano do rumen. De feito, ao inhibir a acción das arqueas, o material que elas convertían en metano acaba sendo recuperado como enerxía.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Descuberta unha salina romana no xacemento do Aguncheiro de Oia

Os arqueólogos escavan unha primeira área de 100 m2 de pavimentos e estruturas cuxa extensión estimada podería alcanzar os 4.000 m2

Nace unha app de ciencia cidadá para o seguimento da agresiva alga asiática presente en Galicia

A ferramenta deseñada polo CSIC busca mellorar o coñecemento dunha especie invasora que apareceu nas costas galegas en 2024

O CSIC liderará a recuperación e musealización das singulares salinas romanas do Aguncheiro

A intervención permitirá escavar 300 metros cadrados, consolidar as estruturas e abrir o singular complexo da época imperial ás visitas

Ata 44 toneladas de metano ao ano: así deixa a súa pegada o gas no fondo da ría de Vigo

Un novo estudo revela que este composto pode achegar un terzo do carbono presente nas cunchas de microorganismos bentónicos