Únete á nosa canle de Whatsapp
Durante os sábados e domingos de outubro, novembro e decembro, ás 16.45 horas, o Aquarium Finisterrae da Coruña acollerá unha actividade destinada a nenos e nenas de entre 4 e 13 anos: as merendas infantís. Neste vento, haberá un obradoiro de manualidades relacionadas coa conservación do medio mariño e despois merendarán chocolate con churros.
Para participar nas merendas hai que preinscribirse a través dun formulario electrónico, que se abrirá o luns 15 de outubro entre as 10 e as 12 horas, e que estará dispoñible nesta ligazón.
Cada participante deberá abonar unha entrada reducida (4 euros) e recibirá unha invitación para merendar. A actividade é gratuíta para os nenos e nenas socios da Asociación de Amigos da Casa das Ciencias e para titulares da Tarxeta Vinte.
