O Club Buceo Ons documenta unha viaxe ao Buraco do Inferno, o pozo vertical de 43 metros de fondo situado na illa de Ons. Os vídeos, realizados en colaboración co Parque Nacional das Illas Atlánticas, descobren os segredos desta formación de rocha que dá acubillo a unha rica flora e fauna mariña.
Robalizas, sargos e auténticos ‘xardíns’ de percebes van sucedéndose diante das cámaras dunha gravación documental de varios vídeos, que serán proxectados en espazos como o edificio Cambón, en Vigo, sede do centro de interpretación do Parque Nacional das Illas Atlánticas.
As gravacións forman parte do proxecto OnSub, e nos primeiros mergullos contaron coa participación do documentalista Jorge Candán.
Podes atopar máis información na páxina do Club Buceo Ons
