Investigadores do grupo de Polímeros Helicoidales, Sensores e Nanoestructuras do Centro Singular de Investigación en Química Biolóxica e Materiais Moleculares CiQUS) da USC, liderados por Emilio Quiñoá e Félix Freire, conseguiron que a súa investigación no desenvolvemento de novos materiais intelixentes véxase recollida, por quinta vez nos últimos meses, en Angewandte Chemie, unha das revistas máis prestixiosas e de máis impacto no ámbito da Química a nivel mundial.
Este novo traballo, titulado “From Sergeants and Soldiers to Chiral Conflict Effects in Helical Polymers by Acting on the Conformational Composition of the Comonomers”, utiliza resonancias bélicas. Así, emprega termos como “sarxentos e soldados” e “conflito quiral”, que reflicten os distintos “enfrontamentos” que teñen lugar entre diferentes compoñentes moleculares en polímeros helicoidales para dirixir o sentido de xiro de hélice final no material.
O campo de batalla da comunicación quiral
Deste xeito, os autores do traballo fan unha analogía cun “xogo de tronos” para determinar quen goberna a estrutura do material (os polímeros). Neste xogo, os distintos compoñentes “loitan” para obter o poder e dirixir así a estrutura do material. A estes compoñentes chámanselles “sarxentos” ou “soldados” dependendo do rol que desempeñan en cada momento, que pode variar dependendo de alianzas externas ou factores ambientais. Nalgúns casos, esta loita polo poder pode acabar en táboas.
A achega constitúe un novo fito no estudo da comunicación quiral en macromoléculas, unha liña na que o grupo do CiQUS liderado por Félix Freire e Emilio Quiñoá é de referencia a nivel mundial, ao descubrir e nomear novos fenómenos nestes nanomateriales intelixentes. As súas potenciais aplicacións van desde o desenvolvemento de novos sensores ao almacenamento de información a nivel molecular.
