Venres 29 Marzo 2024

Baixa presenza de mulleres nas spin-off

Sara Fernández e María Jesús Rodríguez Gulías.
Sara Fernández e María Jesús Rodríguez Gulías.

A creación de empresas é considerada un dos factores chave do desenvolvemento económico e do mantemento da competitividade, en gran parte pola súa clara contribución á xeración de emprego. Os profesores María Jesús Rodríguez Gulías, da Universidade de Vigo, e Sara Fernández e David Rodeido, da Universidade de Santiago, son os autores do primeiro estudo empírico que analiza as diferenzas de xénero nos recursos iniciais (financeiros, humanos, sociais e tecnolóxicos) e no crecemento en vendas e en emprego das spin-off universitarias, no que conclúen que estas variables non difiren entre as empresas creadas por mulleres e as fundadas exclusivamente por homes.
Para este traballo, titulado A orixe universitaria como mitigador do efecto xénero nas spin-off españolas, os docentes analizaron a evolución entre 2001 e 2010 de 120 empresas xurdidas das aulas e laboratorios universitarios. E os resultados amosaron claramente a baixa presenza feminina neste tipo de empresas, xa que tan só un 22% das spin-off estudadas contaba con algunha muller entre os seus socios, fronte ao 78% das empresas formadas exclusivamente por homes e que non tiñan nin unha soa muller entre os seus fundadores ou socios.
En España o desenvolvemento do emprendemento universitario a través da creación de spin-off é relativamente recente. A aportación de fondos públicos mitiga os as diferenzas. “Cos resultados obtidos neste estudo demóstrase que as spin-off universitarias apoiadas en parte con recursos públicos eliminan as desigualdades de fondo que se atribúen ao emprendemento feminino, polo que estas políticas de apoio público contribúen de xeito indirecto a mitigar as diferenzas entre mulleres e homes”, asegura María Jesús Rodríguez Gulías, profesora da Área de Organización de Empresas da Facultade de Ciencias Empresariais e Turismo do campus de Ourense.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un equipo galego deseña un sistema para detectar o ARN do coronavirus

Tamén presentou avances en novas ferramentas de Intelixencia Artificial (IA) capaces de acelerar o desenvolvemento de fármacos

Un equipo de Ferrol acha un novo modo de fabricar envases con residuos orgánicos

Investigadores da UDC traballan nun proxecto europeo para obter produtos para o sector do envasado e a embalaxe no eido da alimentación

A galega Verónica Bolón, nova académica da Real Academia de Ciencias de España

A doutora lidera varios proxectos sobre aprendizaxe dentro do campo da Intelixencia Artificial (IA) no Centro de Investigacións TIC da UDC

PhotoIlike, a intelixencia artificial que axuda a vender

A spin-off nacida na Universidade da Coruña consegue importantes clientes con só un ano de vida