Samantha Cristoforetti é a primeira muller astronauta italiana. Atópase na Estación Espacial Internacional, onde está realizando experimentos sobre a ingravidez. A Axencia Espacial Europea (ESA) publicou este vídeo do seu día a día. Ademais de facer exercicio para manterse en forma, Cristoforetti encárgase de poñer as ferramentas a punto, arranxar pequenas eivas, recoller datos e medicións e lanzar pequenos satélites ó espazo. En total, a astronauta traballa 40 horas por semana.
A Estación Espacial Internacional dispón de tres laboratorios con tecnoloxía de última xeración nos que se desenvolven investigacións en física, bioloxía, xeofísica e medicina. Trátase do laboratorio europeo Columbus, o xaponés Kibo e o estadounidense Destiny.
