AIMEN Centro Tecnolóxico preséntanos neste vídeo o proxecto europeo FaiERA, cuxo principal obxectivo é fomentar o seu potencial investigador no campo do microprocesado de materiais mediante tecnoloxía láser.
O proxecto está enfocado a actualizar a capacidade en I+D do Centro de Aplicacións Láser de AIMEN mediante a contratación de novos investigadores, a formación do seu persoal investigador, a mellora da xestión da investigación e a adquisición de novo equipamento. Ademais, a calidade da investigación desenrolada en AIMEN mellorarase mediante unha maior integración na Área de Investigación Europea a través da colaboración con outros centros de investigación de excelencia.
AIMEN definiu para este proxecto catro liñas de investigación estratéxicas (LIE):
- LIE1. Xeración de superficies multifuncionais: Mellora da interacción superficie/medio, como é o seu comportamento tribolóxico, o seu comportamento hidrodinámico, modificación da sua tensión superficial (anti-xeo e superficies autolimpantes), mellora fronte a corrosión, etc.
- LIE2. Xeración de superficies biocompatibles: Favorecer a interacción células/superficie.
- SRF3. Funcionalización superficial de téxtiles e materiais compostos reforzados con fibras: Superficies antibacterianas, patróns condutores, etc.
- SRF4. Estruturas inducidas por láser para dispositivos semiconductores de alta eficiencia. Sensores, dispositivos fotovoltaicos e microelectrónicos, etc.
AIMEN é unha asociación sen ánimo de lucro con base en O Porriño, constituída por 110 empresas, que proporciona apoio tecnolóxico a mais de 400 empresas adicadas a actividades industriais ou comerciais relacionadas coa metalurxia, automoción, construción civil, mecánica, naval, química, fundición, maquinaria, cerámica, alimentación, cemento, madeira e os seus derivados, plásticos, enxeñería, ensamblaxe, e outros sectores.
