O uso das bicicletas para circular polas cidades é cada vez maior e, neste mercado, as bicis pregables se están convertendo nunha das opcións preferidas dos usuarios. A start-up Bike Intermodal, participada por socios de Italia, Eslovenia, Suíza e Alemaña, desenvolveu un novo prototipo de bicicleta eléctrica que pesa tan só 7,5 kg. e se prega ao tamaño dunha caixa de 50 cm x 40 cm x 15 cm. Ademais, as súas partes son reciclables, polo que o seu ciclo de vida é completamente respectuoso co medio ambiente. O peso e tamaño da bici foron optimizados grazas aos estudos de campo elaborados na Universidade de Florencia e levados a cabo polos socios ATAF e LPP, provedores de transporte público para esta cidade italiana e para a de Liubliana (Eslovenia). O proxecto contou cun finanzamento de 1,58 millóns de euros de fondos de investigación da Unión Europea no marco do programa Horizonte 2020.Os creadores da Bike Intermodal calculan que o prezo da versión sen motor da bicicleta custará uns 800€ e o modelo con motor eléctrico, uns 1.300€. A versión máis básica podería valer arredor de 500€. Agora buscan inversores de capital de risco para poder levala ao mercado.
