Aínda que acostuma a darse nos meses de verán, máis en concreto, en agosto; este ano xa puideron desfrutar do mar de ardora na ría de Betanzos. Unhas espectaculares ondas de luz captadas polo fotógrafo DrewKorme, un cazador de Noctiluca scintillans que, ca súa cámara, xa capturou este fenómeno en moitas praias da Costa da Morte.
Nesta ocasión, o seu obxectivo detívose nos areais da ría de Betanzos. Alí foi quen de gravar o mar de ardora nas aguas das praias de Gandarío e de Miño. Este fenómeno de bioluminiscencia prodúceno algúns dinoflaxelados como a Noctiluca scintillans. Adoita a ser máis frecuente durante o verán porque temperaturas son máis altas e tamén hai maior presenza de nutriente, pero a mediados de maio xa se empeza a deixar ver polos areais galegos.
