“A primeira vista, a dicir verdade, eu persoalmente non estaba seguro de que fose unha imaxe real, porque me pareceu moi ‘curiosa'”, lembra Carlos Otero, de MeteoGalicia. Pero despois, ao comprobar as imaxes dos satélites do 29 de maio, viron que se producira un curioso fenómeno atmosférico ao longo de toda a costa oriental de Lugo e occidente de Asturias, entre Burela e Navia.
O que desde terra parecía un máis dos moitos episodios de néboa que se poden ver no litoral mariñao, desde o satélite tomou unha desas formas que lembran a tormentas tropicais. Porén, e afortunadamente, neste caso a espectacularidade só ficou nas imaxes. A fotografía comezou a difundirse a través da conta de Twitter Educación Forestal. O fenómeno, captado polo sistema Sentinel, produciuse xusto no momento no que o Sentinel-2, satélite que capta imaxes en alta resolución da superficie terrestre, pasaba sobre o norte de Galicia. De feito, como se pode ver baixo estas liñas, albíscase un fenómeno semellante na costa ártabra.
“Non podemos establecer con total certeza a orixe do fluxo de saída de aire da desembocadura do Eo que formou este vórtice (na imaxe vese que coincide coa liña que alimenta o ‘núcleo’ do remuíño). Grazas ás néboas podemos ver a traxectoria en espiral deste fluxo, e ademais non había outros fenómenos atmosféricos que xerasen ruído”, explica Carlos Otero. “Parece que ese día xa había néboas na costa, acumuladas no litoral polo nordés, pero polo demais a atmosfera apenas se movía. Ao chegar o aire desde o interior da ría, colidiron dúas masas a distinta velocidade e provocou que o aire fluíse nesta dirección”, engade o meteorólogo.
Na secuencia do 29 de maio que amosa a cámara de MeteoGalicia en Ribadeo, enfocando precisamente cara a Ponte dos Santos que cruza a ría de Ribadeo, pode verse como a partir das 12 da mañá, e ata as 14 horas, se produce un episodio de néboa mesta.
Sen restarlle méritos ó artigo, que por certo, me parece que comenta algo moi curioso e interesante, polo que felicito ó autor, estou de acordo co comentario anterior.
Non entendo que un redactor novo no se documente máis en canto ó que escribe nun medio dixital deste tipo, e máis aínda, cando é un tema de polémica. Este tipo de erro pareceríame máis apropiado atopalo nas páxinas de “La Voz de Galicia” nalgún deses artigos tendencioso e falto de rigor.
Ou o redactor aínda sendo de Carballo tíralle Asturies? Vaites, vaites…
Ría do Eo??? O topónimo oficial é RÍA DE RIBADEO!!!