Imaxe cenital das illas alvedosas, tomada por Abraham Rosendo, premiado en National Geographic.

Esta foto das illas Alvedosas, premio en National Geographic

O fotógrafo Abraham Rosendo toma esta icónica imaxe cenital dos illotes situados na ría de Vigo

Esta espectacular foto cenital das illas Alvedosas, no fondo da ría de Vigo, resultou premiada por National Geographic no seu certame H2Ocean  2019. A imaxe foi captada polo fotógrafo Abraham Rosendo (Breikus) e foi a máis votada na elección popular do concurso.

Rosendo explica que non tivo que viaxar a destinos afastados para conseguir unha imaxe icónica sobre o valor dos nosos océanos. Fixo a foto ao lado da casa en Arcade: “fai uns 4 anos, coa miña primeira cámara réflex, comecei a fotografar a cultura, costumes e paisaxes do meu pobo natal, sempre buscando amosar unha perspectiva diferente que lograse impactar e concienciar á xente achega do valor que teñen os nosos recursos naturais”.

O fotógrafo engade unha mensae ambiental á imaxe: “O noso mar e os nosos ríos están a sufrir un grave impacto ambiental producido polas accións humanas (verteduras, residuos plásticos, encoros.. ) e debemos comprender que a conservación destes ecosistemas é vital, tanto para nós como para os innumerables organismos que os habitan”.

As illas Alvedosas, estes illotes rochosos situados no fondo da ría de Vigo, amosan a beleza das Rías Baixas: “Durante a baixamar e dende unha vista zenital, pódense apreciar a sedimentación producida polas mareas e as correntes de auga doce e salgada que se mergullan baixo estas illas na desembocadura do Río Verdugo“, explica Rosendo.

2 COMENTÁRIOS

  1. Moi grande Breikus,esta só é unha pequena mostra do que pode facer coa súa camara

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.