Xoves 28 Marzo 2024

As abellas prefiren néctar con pesticidas

As abellas son fundamentais para a polinización das flores e resultan necesarias para a sostibilidade da agricultura en todo o mundo. Un estudo da Universidade de Newcastle e o Trinity College de Dublín descubriu que estes pequenos animais -que están en perigo de extinción- se senten atraídos polo néctar que contén pesticidas.

Os neonicotinoides empréganse como pesticidas agrícolas.
Os neonicotinoides empréganse como pesticidas agrícolas.

As abellas traen de cabeza a científicos e ecoloxistas polo alto declive da súa poboación en todo o planeta. Unha investigación, publicada pola revista Nature, descubriu que o abellón común (Bombus terrestris) e a abella europea (Apis mellifera) non son capaces de detectar a presenza dos tres pesticidas neonicotinoides máis comúns e que actúan no sistema nervioso central dos insectos. Deste xeito, non poden evitalos. Pero hai algo máis grave: o sorprendente é que as abellas amosaron unha preferencia polos alimentos que contiñan os devanditos pesticidas. Cando se lles deu a elixir entre unha solución de azucre, e outra con azucre e neonicotinoides, elixiron a segunda opción.
Geraldine Wright, coautora do traballo no Instituto de Neurociencias da Universidade de Newcastle (Reino Unido) explica: “As abellas non poden distinguir os neonicotinoides na súa comida e, polo tanto, tampouco evitalos. Isto ponas en risco de intoxicación cando comen néctar contaminado. E o que é peor, agora temos evidencias de que prefiren consumir comida con pesticidas.

A UE fixo unha prohibición temporal ante o risco de extinción das abellas


As abellas e outros insectos polinizadores son importantes para aumentar o rendemento dos cultivos. O seu valor económico estimouse en, polo menos, 153 mil millóns de dólares –115 mil millóns de euros– ao ano a escala mundial. Varios estudos demostraron que os pesticidas neonicotinoides teñen efectos negativos na busca de alimento das abellas e na saúde das súas colonias. Como consecuencia, a preocupación pública sobre o impacto destes pesticidas nos polinizadores creceu.
En abril de 2013, a UE introduciu unha prohibición temporal sobre a utilización dos praguicidas neonicotinoides nos cultivos en flor, mentres se solicita máis información científica e técnica.
Os neonicotinoides actúan sobre os mesmos mecanismos do cerebro nas abellas, que os que se ven afectados pola nicotina no cerebro humano. O feito de que ademais os prefiran preocupa aos científicos, xa que suxire que, ao igual que a nicotina, os neonicotinoides poden actuar como unha droga para que os alimentos que conteñen estas substancias lles sexan máis gratificantes. “Isto podería ter unha reacción en cadea de impacto negativo en colonias enteiras e nas poboacións de abellas”, asegura Wright.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Descuberta a proteína responsable da sensación de frío

O estudo foi publicado na revista ‘Nature Neuroscience’ e pode axudar a comprender como perciben as temperaturas baixas os seres humanos

Crean en Vigo un mapa de biodiversidade costeira a partir de 11.000 chíos

A análise da información recompilada na rede X permite, cun baixo custo, complementar os programas existentes de vixilancia

Atracción fatal ou confusión? Este é o verdadeiro motivo polo que os insectos voan arredor das bombillas

Estes animais non se dirixen ao foco luminoso, senón que se inclinan cara a el, desvíanse e modifican de forma errática a súa traxectoria

Os abellóns europeos poderían desaparecer nas próximas décadas

Máis do 75% das especies destes insectos poden estar ameazadas nos próximos 40 a 60 anos, segundo as proxeccións de poboacións levadas a cabo por varias institucións belgas