Galicia vivirá este mércores o seu primeiro episodio de altas temperaturas deste ano, que xa fixo activar a MeteoGalicia o aviso amarelo por valores que poderían superar os 35ºC nas comarcas da ribeira do Miño en Ourense e Pontevedra. O motivo é a chegada dunha masa de aire africano que, xunto á situación anticiclónica na que se atopa a atmosfera, fará medrar as temperaturas a valores pouco habituais nesta época do ano.
No mapa da esquerda vemos a previsión de temp máx para hoxe, con calor no sur e aínda valores suaves no norte polo efecto do nordés.
Co avance de semana irá entrando o aire cálido e as temperaturas para o xoves (mapa dereita) quedarán en case toda #Galicia entre 30ºC-35ºC!! pic.twitter.com/tXC6q1McXN— MeteoGalicia (@MeteoGalicia) May 25, 2020
A situación xa foi patente na xornada do luns, na que se superaron os 31ºC en Salceda de Caselas, Ponteareas ou Verín. Na mañá do martes, Pontevedra, Redondela, Ponteareas, Meaño ou Vigo xa estaban por riba dos 27ºC antes das 13 horas.
A vaga de calor tamén se deixará notar en Portugal. O Instituto Português do Mar e da Atmosfera (IPMA), activou tamén o aviso en todo o oeste do país, agás o Algarve, e tamén no arquipélago de Madeira, polos valores superiores aos 35ºC.
Pola súa parte, a Axencia Estatal de Meteoroloxía tamén avisou do episodio de calor en boa parte do oeste da península ibérica, con anomalías de temperatura ata 6ºC superiores á media da época do ano. A masa de aire africano, unida aos fortes refachos do vento do nordés e á baixa humidade, levou a incrementar o nivel de risco de incendios ata o extremo en Galicia.
#BuenosDías #Martes 26/05/2020
🔴Hoy también destacan los niveles de riesgo extremo en NW peninsular,zonas de #Andalucía y en #Canarias
Muy alto en #Asturias
‼️Ánimo y precaución a todos los medios‼️💪👏
Si ves 🔥o humo ☎️112 https://t.co/GlW03qcOE4 pic.twitter.com/IMaJGmR9zc— AEMET / #QuédateEnCasa (@AEMET_Esp) May 26, 2020