A Coruña e Santiago baten os récords históricos de temperaturas mínimas

As mínimas na cidade herculina non baixaron dos 19,2 graos, un nivel do termómetro máis propio do verán e nunca visto en novembro

Unha masa de aire quente afectou a Galicia mentres entraba unha fronte de choivas. Imaxe: Meteogalicia.

As temperaturas mínimas bateron varios récords esta noite en Galicia. Tanto na cidade da Coruña, con 19,2 graos, como no aeroporto de Alvedro (18,2) superouse o valor extremo histórico do periodo 1981-2020. Tamén a estación meteorolóxica no aeroporto de Lavacolla, en Santiago de Compostela, rexistrou a temperatura mínima máis alta nun mes de novembro.

As choivas do domingo e das primeiras horas do luns chegaron en cantidade, pero acompañadas dunha masa de aire morno que deixou unha noite de altas temperaturas, deixando os termómetros en valores máis propios do verán.

A masa de aire morno cargado de choivas que entrou en Galicia na madrugada deste luns. Fonte: Meteogalicia.

Este luns Galicia estará afectada pola chegada dunha fronte fría que traerá chuvias e deixará aire frío ao seu paso, retirando a masa de aire cálido de xornadas anteriores.

Co avance da xornada as chuvias chegarán ao leste, mentres que na franxa atlántica comezarán a abrirse claros. As temperaturas non terán cambios significativos durante o día, cun acusado descenso cara á noite e de madrugada.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.