Xoves 28 Marzo 2024

Pilar Bermejo, quinta muller na Academia de Ciencias en 40 anos de historia

A científica Pilar Bermejo Barrera, catedrática de Química Analítica e decana da Facultade de Química da Universidade de Santiago de Compostela, ingresará o vindeiro 9 de maio na Real Academia Galega de Ciencias. Pilar Bermejo será a quinta muller en ingresar na institución nos seus 40 anos de historia. En 1978, ano da fundación da Academia, ingresou María Pilar Fernández Otero, catedrática de Fisioloxía, que actualmente é académica correspondente. En 2014, con motivo da chegada á presidencia do actual mandatario, Miguel Ángel Ríos, entraron como académicas numerarias a catedrática de Farmacia da USC María José Alonso e a catedrática de Microbioloxía e Parasitoloxía Alicia Estévez. Un ano despois, en xuño de 2015, a científica do CSIC Aida Fernández Ríos entrou na institución, aínda que faleceu só seis meses despois, en decembro dese mesmo ano, nun atropelo en Moaña.

Pilar Bermejo naceu en Santiago en 1956 e é profesora da USC desde 1978. Foi candidata á reitoría en 2010 e é decana da Facultade de Química desde 2014. Despois de estudar en Santiago, completou a súa formación na universidade de Plymouth. É a investigadora principal do grupo Elementos Traza, Espectroscopía e Especiación”. Foi coordinadora do programa piloto ECTS de Erasmus na área de Química, e coordina a rede ECTN (European Chemistry Thematic Network) e o programa TASSEP (Transatlantic Science Student Exchange Programme).

Publicidade

Con motivo do seu ingreso, Pilar Bermejo pronunciará un discurso que levará por título “Importancia dos metais nas Ciencias da Vida: Especiación de Elementos Traza e Metalómica”, e que será respondido polo profesor Manuel Freire Rama. O acto comezará ás 19 horas do 9 de maio no Pazo de San Roque de Santiago.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A Academia de Ciencias entrega os Premios Ernesto Viéitez Cortizo 2023

Recoñece a tres equipos galegos polo estudo de microplásticos, do control da glicosa e da mellora de imaxes médicas con IA

Convocado o IX Premio de Xornalismo Científico Celia Brañas

Os traballos poden enviarse a partir do 15 de abril. A dotación económica do galardón será de 5.000 euros, cun accésit para o segundo mellor valorado

A RAGC premia ao equipo da UDC que busca métodos para identificar microplásticos no medio

Os Premios de Investigación Ernesto Viéitez Cortizo 2023 conceden dous áccesits, un para a USC e outro para a UDC

A RAGC e a Xunta convocan os X Premios á Transferencia de Tecnoloxía en Galicia

Cada categoría está dotada con 5.000 euros e o prazo para a presentación de candidaturas remata o 30 de abril