Mabel Loza recibe en Santiago o premio María Wonenburger

A catedrática da universidade compostelá é unha referencia internacional na investigación farmacolóxica

De esquerda a dereita, Alfonso Rueda, Peregrina Quintela, Mabel Loza, Alberto Núñez Feijoo, María José Alonso, Alicia Estévez e Susana López Abella. Foto: xunta.gal.
De esquerda a dereita, Alfonso Rueda, Peregrina Quintela, Mabel Loza, Alberto Núñez Feijoo, María José Alonso, Alicia Estévez e Susana López Abella. Foto: xunta.gal.

A catedrática da USC Mabel Loza recibiu este luns no Hostal dos Reis Católicos de Santiago de Compostela o premio María Josefa Wonenburger Planells, destinado a recoñecer a traxectoria de mulleres científicas de Galicia que se adiantaron ao seu tempo e abriron camiños a moitas outras. A galardoada, unha referencia internacional na investigación farmacolóxica, abordou no seu discurso a importancia do equipo e das persoas como elemento fundamental para facer ciencia de calidade, sempre orientada a resultados e que se erixe na misión da universidade pública.

Mabel Loza mantivo nos últimos lustros unha activa participación en programas públicos e privados no ámbito do descubrimento temperán de fármacos español e europeo, foi investigadora en máis de 90 proxectos de investigación, en 70 como investigadora principal. Participou en once candidaturas a fármacos que chegaron a ensaios clínicos en pacientes, dentro de programas de transferencia de I+D coa industria farmacéutica.

O acto estivo presidido polo titular da Xunta, Alberto Núñez Feijóo, que resaltou na súa intervención o “compromiso inquebrantable” de Mabel Loza coa importancia da ciencia e do coñecemento no avance sociedade. Un compromiso que “desenvolve cada día” desde o grupo BioFarma da USC, destacou Feijóo. “Como Wonenburguer, Loza realizou estadías fóra, no seu caso, no Centro Médico Monte Sinaí de Nova York. Pero continuou a súa carreira científica en Galicia, desde a mesma alma máter na que se formou, a Universidade de Santiago, e o eco das súas investigación traspasa as nosas fronteiras”, expuxo, subliñando ademais a súa participación na creación de tres compañías.

A catedrática da USC Mabel Loza gaña o Premio Wonenburger

O presidente do Executivo lembrou tamén outras fiugras galardoadas co premio que leva o nome da investigadora coruñesa. “Inmaculada Paz Andrade, María Teresa Miras Portugal, María Soledad Soengas, Carmen Navarro, Ofelia Rey, Tarsy Carballas, María José Alonso, Carmen García Mateo, Isabel Aguirre, Peregrina Quintela, Begoña Vila, Alicia Estévez. Todas elas foron premidas e todas elas asinan traxectorias sobresaíntes no eido científico e académico ás que hoxe se suma Mabel Loza”, sentenciou.

Este galardón leva o nome da científica que foi unha autentica pioneira e referente feminino internacional no ámbito das ciencias e unha adiantada ao seu tempo. O premio naceu en 2007 para resaltar as traxectorias relevantes de mulleres nos eidos das ciencias e da tecnoloxía, baixo un nome que pretende ser unha homenaxe á figura da matemática coruñesa.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.