Explicación: ollas a burbulla do centro? Semellando estar á deriva nun mar cósmico de estrelas e gas brillante, a aparición delicada e flotante deste amplo campo catalógase coma NGC 7635; a nebulosa Burbulla. Con tan só 10 anos luz de anchura, a pequena nebulosa Burbulla mailo complexo máis grande de nubes de po e gas interestelar que se atopa a uns 11.000 anos luz de distancia, a escarranchapernas do límite das constelacións parentais Cepheus e Cassiopeia. Tamén se inclúe na vista espectacular o cúmulo estelar aberto M52 (arriba á esquerda), a uns 5.000 anos luz de distancia. A imaxe publicada abarca uns dous graos do ceo que se corresponden a unha anchura duns 375 anos luz á distancia estimada da nebulosa Burbulla.
