Explicación: máis alto có edificio máis alto, máis alto cá montaña máis elevada, a maior altura có avión máis alto, está o reino da aurora. As auroras raramente baixan dos 60 quilómetros e poden elevarse ata os 1000. A luz da aurora provén dos electróns e os protóns enerxéticos que baten nas moléculas da atmosfera da Terra. Acotío, cando se ollan desde o espazo, unha aurora completa semellará coma un círculo ao redor dun dos polos magnéticos da Terra. A imaxe gran angular publicada, comprimida horizontalmente, capturou unha exhibición auroral abraiante que se espallaba polo ceo hai cinco anos sobre o leste de Noruega.
