Explicación: é isto o mundo real? Ou é só fantasía? A verdade comezou cun soño; un soño no que a espectacular fervenza Seljarlandsfoss ao sur de Islandia podería ser fotografada co telón de fondo dun ceo cheo coa aurora. Así que tras unha prometedora previsión de tempo espacial, o visionario astrofotógrafo mailo seu compañeiro saltaron á acción. Tras chegar, capturaron unha imaxe do fondo do ceo, completo cunha aurora verde, o que resultou ser a parte doada. A parte difícil foi capturar a propia fervenza, pola sinxela razón de que o orballo mantiña abafada a lente! O que fácil chega, fácil marcha (levou uns 100 intentos nos que cada vez alguén tivo que voltar cara a cámara) nunha fría noite e sobre rochas escorregadizas, para ver como quedara a última imaxe, limpar aa lente e reaxustar a cámara para o seguinte intento. Máis tarde, as mellores fotografías de terra e ceo combináronse dixitalmente. No ceo pode ollarse, aínda ben por tras da aurora, numerosas estrelas do norte. O título resultante, dado polo astrofotógrafo, estivo influído pola aparencia cun soño da imaxe final, combinada posiblemente co coñecemento de que algunhas cousas foron ben importantes no esforzo de facer que o seu soño se fixera realidade.
