Explicación: algunha vez viches o Triángulo de Verán? As estrelas brillantes Vega, Deneb, e Altair forman un triángulo grande no ceo que pode ollarse subindo polo ceo a comezos da primavera setentrional pola mañá e erguéndose no outono setentrional durante o anoitecer. Nos meses de verán, o triángulo áchase de xeito sinxelo por riba da cabeza preto da medianoite. Aquí se amosa o asterismo do Triángulo de Verán captado o mes pasado desde Gunma, Xapón. No primeiro plano, mostrando a súa propia forma triangular, hai unha cerdeira en flor de 500 anos de idade, cuns 15 metros de altura. A forma triangular do asterismo só é evidente desde a perspectiva da Terra; en realidade as estrelas están afastadas por milleiros de anos luz de distancia no espazo.
Triángulos de verán sobre Xapón
