Explicación: un Sol escuro pendura dun ceo despexado sobre un planeta volcánico nesta paisaxe celeste e mariña matutina. Tomouse durante a eclipse solar total desta semana, unha instantánea espectacular desde o estreito camiño da totalidade na sombra escura dunha Lúa nova. A illa indonesia de Ternate, ao norte de Maluku, atópase no primeiro plano. Aínda que o ceo aínda está brillante preto do horizonte leste, máis alá dos cumios volcánicos planos da rexión e fóra da penumbra da Lúa. De feito, preto do ecuador a escura sombra lunar corre cara o leste atravesando a superficie da Terra a uns 1.700 quilómetros por hora. Ao redor da silueta do Sol, brillando entre as nubes finas, ollamos o brillo sedutor da coroa solar, visible de xeito doado só durante a totalidade. Esta coroa solar, unha visión inspiradora para os observadores de eclipses, é a atmosfera tenue, quente e máis externa do Sol.
