Explicación: a fermosa e gran galaxia espiral NGC 7331 é ofrecida a miúdo coma unha análoga da nosa propia Vía Láctea. A uns 50 millóns de anos luz de distancia na constelación meridional Pegasus, NGC 7331 foi axiña recoñecida coma unha galaxia espiral e realmente é unha das galaxias máis brillantes que non se incluíron no famoso catálogo de Charles Messier do século XVIII. Como o disco da galaxia esta inclinado cara a nosa liña de visión, as exposicións telescópicas longas resultan moitas veces nunha imaxe que evoca un forte sentido de fondura. Neste primeiro plano do Telescopio Espacial Hubble os magníficos grazos espirais da galaxia amosan corredores escuros de po, brillantes cúmulos axulados de estrelas mozas e masivas e o desvelador brillo avermellado de rexións de formación estelar activas. As rexións centrais brillantes e amareladas aloxan poboacións de estrelas máis vellas e frías. Como a Vía Láctea, no centro da galaxia espiral NGC 7331 hai un burato negro supermasivo.
GCiencia realiza unha reserva expresa das reproducións e usos das obras e outras prestacións accesibles desde este sitio web a medios de lectura mecánica ou outros medios que resulten adecuados a tal fin de conformidade co artigo 67.3 da Real Decreto - lei 24/2021, do 2 de novembro // Auditado por GFK
