Plutón polo guitarrista e astrofísico Brian May

Explicación: estas dúas imaxes detalladas en cores reais de Plutón foron captadas durante o histórico sobrevoo da New Horizons o mes pasado. Con perspectivas lixeiramente diferentes das estruturas superficiais agora recoñecibles, presentáronse nesta primeira parella en estéreo de alta calidade coa intención de seren contempladas polos cidadáns do planeta Terra. A imaxe á man esquerda (ollo esquerdo) é un mosaico gravado cando a nave espacial estaba a uns 450.000 quilómetros de Plutón. A imaxe da dereita foi tomada máis tarde, unha última ollada completa antes do achegamento máis próximo da nave espacial. Debido a unha diferencia de resolución, a parella combínase para unha espectacular perspectiva en 3D do afastado terreo infernal. Como curiosidade, o tratamento das dúas fotos foi realizado polo astrofísico (e ex guitarrista da banda de rock ‘Queen’) Brian May, tras unha estadía na NASA para seguir a misión da New Horizons.
Aquí tedes a foto de Brian May, o pasado 17 de xullo, chegando á NASA para pasar unha xornada co equipo da New Horizons. É recibido polo administrador da NASA, Charles Bolden, por certo o primeiro afroamericano en dirixir a axencia espacial dos EUA.