Explicación: a brillante galaxia espiral Messier 51, non un cometa, coñécese popularmente coma a galaxia Remuíño. Xusto fóra do mango do Carro Maior nos ceos setentrionais, podes descubrila na parte superior esquerda desta imaxe do 1 de decembro. Aínda que o campo de vista cuns fermosos 4 por 2,5 graos contén dous cometas. Ámbolos dous cometas, de aparencia diferente, son visitantes novos do Sistema Solar interior e son actualmente obxectos telescópicos febles, moi altos por riba dos horizontes setentrionais no crepúsculo matutino. Na parte inferior esquerda está o recentemente descuberto cometa NEOWISE (C/2016 U1) fachendeando dunha coma redonda e difuminada nunha luz verde polo gas carbónico diatómico que emite fluorescencia pola luz solar. A luz solar reflíctese no po da coma e na cola pequena e grosa do cometa Johnson (C/2015 V2) na parte superior dereita.
