No corazón de Orión

Créditos da imaxe e copyright: Christoph Kaltseis, CEDIC 2017
Créditos da imaxe e copyright: Christoph Kaltseis, CEDIC 2017

Explicación: preto do centro deste definido retrato cósmico, no corazón da nebulosa de Orión, están as catro estrelas masivas e quentes coñecidas coma o Trapecio. Reunidas moi apertadas dentro dunha rexión máis ou menos nuns 1,5 anos luz de radio, dominan o corazón do denso cúmulo estelar da nebulosa de Orión. A radiación ultravioleta ionizante que procede das estrelas do Trapecio, sobre todo da estrela máis brillante Theta-1 Orionis C alimenta todo o brillo visible da complexa rexión de formación estelar. Cuns tres millóns de anos de idade, o cúmulo da nebulosa de Orión foi incluso máis compacto nos seus anos mozos e un estudo de dinámica indica que as colisións de estrelas fuxidías a unha idade temperá poida que formaran un burato negro con máis de 100 veces a masa do Sol. A presenza dun burato negro dentro do cúmulo podería explicar as altas velocidades observadas das estrelas do Trapecio. Coa distancia da nebulosa de Orión duns 1.500 anos luz, convertiríase no burato negro máis achegado ao planeta Terra.

Rematamos a xira galega das charlas do APOD do último ano en Pontevedra e Santiago de Compostela.

Publicidade

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

O canto dos xibardos, entre os sons da Terra da sonda Voyager 1 da NASA

A sonda alcanza o 18 de novembro de 2026 unha distancia dun día luz e transporta no seu Disco de Ouro unha selección de sons e imaxes representativas do planeta

Que viu o telescopio Hubble o día que naciches? Descúbreo nesta ferramenta da NASA

A axencia espacial estadounidense actualiza a aplicación que permite consultar cinco imaxes en cada día do ano e compartilas en redes sociais

Como viviron os astronautas de Artemis II? A NASA revela centos de imaxes e audios inéditos

Trátase do primeiro conxunto de información planetaria recompilada principalmente por seres humanos en máis de medio século

Queres ter un anaco do cosmos? A NASA permite adoptar un píxel do Grace Roman

A iniciativa permite obter unha pequena parte das primeiras imaxes do observatorio espacial, que ten un campo de visión cen veces maior ca o do telescopio Hubble