NGC7822 en Cepheus

Créditos da imaxe e copyright: Steve Cannistra (StarryWonders)
Créditos da imaxe e copyright: Steve Cannistra (StarryWonders)

Explicación: as estrelas novas e quentes e os piares cósmicos de gas e po semellan ateigar o interior de NGC 7822. No bordo dunha nube molecular xigante cara a constelación setentrional Cepheus, a brillante rexión de formación estelar atópase a uns 3.000 anos luz de distancia. Dentro da nebulosa, os bordos brillantes e as formas escuras saliéntanse nesta paisaxe celeste chea de cor. A imaxe inclúe datos de filtros de banda estreita, o cartografado das emisións dos átomos de osíxeno, hidróxeno e xofre nas cores azul, verde e vermella. A relación entre liña de emisión e cor fíxose famosa como a paleta do Hubble. A emisión atómica é potenciada pola radiación enerxética das estrelas quentes centrais. Os seus potentes ventos e radiación esculpen e erosionan as formas dos piares máis densos e clarexan unha cavidade característica de anos luz de diámetro no centro da nube natal. Poida que se estean a formar estrelas dentro dos piares por colapso gravitacional pero mentres os piares se erosionan, calquera estrela en formación esgotará ao final as reservas de material estelar. Este eido de visión abarca uns 40 anos luz á distancia estimada de NGC 7822.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A visualización da NASA que alerta do quecemento global: “O peor está por chegar”

A axencia espacial estadounidense advirte que a última década foi a máis cálida dende que hai rexistros

Cantos meteoritos impactaron contra a Terra? Descúbreo neste mapa interactivo

A ferramenta da NASA recompila a información recollida polos seus sensores dende 1988 e actualízase periodicamente

A seguinte eclipse solar total será en 2026 e si, poderase ver dende Galicia

Dentro de dous anos, o fenómeno observarase en todo o seu esplendor na zona oeste do territorio galego arredor das 20:20 horas
00:00:00

A NASA retransmite en directo a eclipse solar total

O fenómeno astronómico poderase desfrutar en México, Estados Unidos e Canadá, e en Galicia só de forma parcial