Sábado 2 Marzo 2024

A Nebulosa Tulipán

Nebulosa Tulipán
Créditos da imaxe e copyright: J-P Metsävainio (Astro Anarchy).

Explicación: esta vista telescópica, que enmarca unha brillante rexión de emisión, mira ao longo do plano da nosa Galaxia Vía Láctea cara a constelación rica en nebulosas de Cygnus, o Cisne. A nube brillante de po e gas interestelar, chamada popularmente a Nebulosa Tulipán, tamén se atopa no catálogo de 1959 do astrónomo Stewart Sharpless coma Sh2-101. A uns 8.000 anos luz de distancia e con 70 anos luz de diámetro a complexa e fermosa nebulosa florece no centro desta imaxe composta. As cores vermella, verde e azul cartografan a emisión dos átomos ionizados de xofre, hidróxeno e osíxeno. A radiación ultravioleta procedente das estrelas novas e enerxéticas do bordo da asociación OB3 Cygnus, que inclúe á estrela de tipo O HDE 227018, ioniza os átomos e potencia a emisión da Nebulosa Tulipán. HDE 227018 é a estrela brillante que está moi preto do arco azul no centro do tulipán cósmico. Brillando en todo o espectro electromagnético, o microcuásar Cygnus X-1 e unha fronte de onda de choque curva creada polos seus potentes chorros atópanse cara a parte superior e á dereita.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

LIA (2), pioneiros galegos no desenvolvemento da intelixencia artificial na astronomía

O grupo da UDC recibiu o Premio Spin-Off PuntoGal na edición 2023 pola súa traxectoria de éxito

Un novo exoplaneta desafía as teorías clásicas de formación planetaria

Un equipo de astronónomos descobre LHS 3154b, cunha masa similar a Neptuno, orbitando preto dunha estrela anana de moi baixa masa

Descubertos seis exoplanetas que ‘bailan’ de forma sincronizada arredor da súa estrela

Os planetas posúen unha configuración que apenas cambiou desde hai máis de mil millóns de anos

Begoña Vila: “Atoparemos probabilidades de vida noutro planeta”

Co gallo do décimo aniversario de Gciencia, a astrofísica da NASA analiza a divulgación dos achados cósmicos e a busca de vida intelixente