Explicación: esta nube cósmica con forma de casco con apéndices a modo de ás é coñecida popularmente coma o Helmo de Thor. Heroicamente grande aínda para o deus nórdico, o Helmo de Thor abarca uns 30 anos luz de diámetro. De feito, o helmo é máis parecido a unha burbulla interestelar, inchada cando un vento rápido, procedente da estrela brillante preto do centro da zona tinguida de azul da burbulla, se expandiu polos arredores da nube molecular. Este estrela, do tipo Wolf-Rayet, é unha estrela xigante extremadamente quente e masiva que se pensa está nunha breve fase pre-supernova de evolución. A nebulosa de emisión, catalogada coma NGC 2359, sitúase a uns 12 000 anos luz de distancia cara a constelación do Can Grande (Canis Major). A definida imaxe, feita con filtros de banda ampla e estreita, capta detalles espectaculares das estruturas de po e gas filamentario da nebulosa. A cor azul orixínase a partires da potente emisión dos átomos de osíxeno da nebulosa.
Xa tes o teu Ceos Galegos – calendario astronómico 2018?
