A nebulosa Hélice desde o Hubble e o Blanco

Explicación: como creou unha estrela a nebulosa Hélice? As formas dunha nebulosa planetaria coma a Hélice son importantes porque probablemente manteñen pistas de como as estrelas de tipo solar rematan as súas vidas. Porén, as observacións do Telescopio Espacial Hubble en órbita e o Telescopio Blanco de 4 metros en Chile, amosaron que realmente a Hélice non e unha simple hélice. Antes ben, incorpora dous discos case perpendiculares así coma arcos, ondas de choque e incluso características aínda non ben comprendidas. Aínda así, fican moitas simetrías impresionantemente xeométricas. Como unha única estrela de tipo solar creou tal complexidade xeométrica e á vez fermosa, é un tema de investigación. A nebulosa Hélice é a nebulosa planetaria máis achegada á Terra, localízase a só uns 700 anos luz de distancia cara a constelación de Aquarius e abarca uns 3 anos luz.