Venres 21 Xuño 2024

Messier 6 e o cometa Siding Spring

Messier 6 e o cometa Siding Spring
Créditos da imaxe e copyright: Rolando Ligustri (CARA Project, CAST).

Explicación: parece que faltou un pelo pero a coma e a cola verdeallos do cometa Siding Spring (C/2013 A1) están realmente a uns 2.000 anos luz de distancia das estrelas do cúmulo aberto Messier 6. Parecen moi achegados, ao estar na mesma liña de visión nesta preciosa paisaxe celeste do 9 de outubro cara a constelación Scorpius. Porén, o domingo 19 de outubro este cometa pasará realmente moi preto, a só 139.500 quilómetros, do planeta Marte. Iso vén sendo unhas 10 veces máis preto que calquera outro cometa que sobrevoase o planeta Terra e case un terzo da distancia Terra-Lúa. Aínda que non hai perigo dun impacto co núcleo, o pó do cometa, movéndose a unha velocidade duns 56 quilómetros por segundo relativos ao planeta Vermello, maila parte exterior da súa coma gasosa, poderían interaccionar coa delgada atmosfera marciana. Por suposto, o encontro tan achegado do cometa será seguido atentamente polas naves espaciais en órbita marciana e os todoterreos da superficie.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un equipo da UVigo demostra a viabilidade de ir a Marte con propulsión solar

Investigadores do campus de Ourense presentan o deseño preliminar dun satélite e proban a superiorade deste novo sistema

Unha paisaxe invernal en Marte? Esta imaxe demostra que non todo é o que parece

A misión espacial Mars Express ofrece unha espectacular fotografía do cráter Korolev para conmemorar os quince anos en órbita no planeta vermello

LIA (2), pioneiros galegos no desenvolvemento da intelixencia artificial na astronomía

O grupo da UDC recibiu o Premio Spin-Off PuntoGal na edición 2023 pola súa traxectoria de éxito

Un novo exoplaneta desafía as teorías clásicas de formación planetaria

Un equipo de astronónomos descobre LHS 3154b, cunha masa similar a Neptuno, orbitando preto dunha estrela anana de moi baixa masa