Explicación: o 9 de maio, o diminuto disco de Mercurio pasou unhas sete horas e media cruzando por diante do Sol tal e como se ollou desde a veciñanza da Terra. Foi o segundo dos 14 tránsitos do planeta máis interno do Sistema Solar no século XXI. Captado desde Fulham (Londres, Inglaterra, planeta Terra), a pequena silueta comparte o enorme disco solar con prominencias, filamentos e rexións activas nesta imaxe definida. Pero o disco redondo de Mercurio (á esquerda do centro) semella ser a única mancha escura, comparada coas manchas solares de tamaño planetario esparexidas polo Sol. A imaxe, feita cun filtro H-alfa que transmite estreitamente a luz vermella procedente dos átomos de hidróxeno, enfatiza a cromosfera, que se espalla por riba da fotosfera ou a normalmente visible superficie solar. Nas imaxes H-alfa da cromosfera, as rexións de manchas solares normalmente escuras están dominadas por manchas brillantes denominadas praias.
