Explicación: esta ampla e definida imaxe telescópica desvela galaxias esparexidas máis alá das estrelas e as débiles nebulosas de po da Vía Láctea no bordo setentrional da constelación de altos voos Pegasus. Destacando na parte superior dereita está NGC 7331. A tan só 50 millóns de anos luz de distancia, a gran espiral é unha das galaxias máis brillantes que non se inclúe no famoso catálogo do século XVIII de Charles Messier. O gupo de galaxias de aspecto distorsionado na parte inferior esquerda é máis coñecido coma o Quinteto de Stephan. A uns 300 millóns de anos luz de distancia, o quinteto ilustra espectacularmente unha colisión galáctica múltiple coas as súas potentes interaccións en curso, posando para unha breve instantánea cósmica. No ceo, o quinteto e NGC 7331 están afastados por medio grao aproximadamente.
