Explicación: que son as estrañas manchas que arrodean a galaxia? Todas son imaxes da mesma supernova. Por primeira vez, unha única explosión de supernova foi dividida en múltiples imaxes polas defleccións de lente gravitatoria das masas que interveñen. Neste caso, as masas son unha gran galaxia e o seu fogar, un cúmulo galáctico. A imaxe amosada captouse o novembro pasado polo Telescopio Espacial Hubble en órbita terrestre. A imaxe cuádrupla en cores amarelas da supernova Refsdal ocorreu no universo temperán moi afastada e por tras do cúmulo. A medición das localizacións e os atrasos temporais entre as imaxes da supernova debería permetir aos astrofísicos recoñecer a cantidade de materia escura da galaxia e do cúmulo. Con paciencia e sorte, tamén se recuperará unha quinta imaxe da supernova nos próximos anos.
Galaxia e cúmulo crean catro imaxes dunha supernova afastada
