Explicación: pega dos teus lentes vermello/azuis e mira as fervenzas de lava de Marte. O anáglifo estéreo foi creado combinando dúas imaxes rexistradas pola cámara HiRISE a bordo da nave Mars Reconnaissance Orbiter. As fervenzas multi-nivel foron creadas cando os fluxos de lava crebaron seccións do bordo norte dun cráter marciano de 30 quilómetros de diámetro, localizado na parte occidental da rexión volcánica Tharsis do planeta vermello. Cando a lava fundida caeu polas paredes e terrazas do cráter para chegar ao seu solo deixou os característicos fluxos agrestes, en abano sobre as pendentes pinas. O norte está arriba e a abraiante vista 3D ten 5 quilómetros de anchura.
