Explicación: por que podería brillar o ceo coma un arco da vella xigante repetido? A luminescencia. O aire brilla agora todo o tempo, pero é difícil de ver. Porén, unha perturbación (coma unha tormenta que se achegue) pode provocar unha ondulación observable na atmosfera da Terra. Estas onda de gravidade son oscilacións no aire análogas ás creadas cando se guinda unha rocha na auga queda. Probablemente a luminescencia vermella se orixine a partires das moléculas de OH a unha altura duns 87 quilómetros, excitadas pola luz ultravioleta do Sol, mentres que a luminescenciaalaranxada e verde sexa provocada polos átomos de sodio e osíxeno lixeiramente máis altos. O fotógrafo, mentres conducía preto do lago Keluke na provincia Qinghai de China, notou sobre todo a impresionante franxa central da galaxia Vía Láctea. Ao deterse, abraiantemente resultou que a imaxe da sensible cámara amosaba as bandas da luminescencia bastante destacadas e abarcando todo o ceo. A imaxe publicada tratouse dixitalmente para salientar as cores de xeito máis chamativo.
Tamén temos luminescencia nos Ceos Galegos.
