Explicación: esta fermosa composición con teleobxectivo abarca anos luz nunha paisaxe celeste nocturna e natural desde a illa de Creta. Ollando ao sur, as instantáneas tanto recollen ás estrelas como rexistran un primeiro plano fixo en tres paneis fusionados que cobren un amplo campo de visión de 10×12 graos. O luar do cuarto crecente do 15 de maio alumea a igrexa mailo terreo montañoso. O enorme cúmulo estelar globular Omega Centauri (NGC 5139), a tan só 18 milleiros de anos luz de distancia, brillando por riba aporta unha boa impresión visual na súa aparencia con binoculares nesa noite estrelecida. A galaxia activa Centaurus A (NGC 5128) está preto da parte superior do cadro, a uns 11 millóns de anos luz de distancia. Tamén atopamos cara a gran constelación meridional Centaurus e cun tamaño aproximadamente igual ao da nosa propia Vía Láctea á galaxia espiral de canto NGC 4945. A uns 13 millóns de anos luz de distancia está só un pouquichiño máis afastada e xusto por riba do horizonte dereito.
